Рубрика: Հոդված

Նախադպրոցական հաստատությունների վերապատրաստման օրագիր

«Մխիթար Սեբաստացի» կրթահամալիրում ՀՀ ԿԳՆ պատվերով 2006թ.-ից մշակվում, իրականացվում է նախադպրոցական կրթության հեղինակային ծրագիր:

Բովանդակություն

  • Հեղինակային կրթական ծրագրով ստեղծված բաց միջավայր,
  • Նախադպրոցական խմբերում իրականացվող աշխատանքային նախագծեր, այդ թվում՝
    ա․ հիգիենա-ինքնուրույնություն,
    բ․ սննդի կազմակերպում (նախաճաշ, ճաշ),
    գ․ քուն, օրորոցային երգեր,
    դ․ մարզական պարապմունքներ,
    ե․ տեխնոլոգիական գործունեություն,
    զ․ երաժշտական խաղեր,
    է․ պար, թատրոն,
  • դաստիարակի բլոգը որպես ուսումնական գործիք,
  • դաստիարակի ընթերցարան:

Աշխատակարգ  

Վերապատրաստվողները փոքր խմբերով աշխատում են կրթահամալիրի կրտսեր դպրոցների նախակրթարանների և կրտսեր առաջին դասարանցիների խմբերում:

«Մխիթար Սեբաստացի» կրթահամալիրում յուրաքանչյուր ամսվա երրորդ շաբաթվա ընթացքում տեղի են ունենում նախադպրոցական հաստատությունների վերապատրաստման դասընթացներ: Դաստիարակները ներկայացնում են իրենց հեղինակային կրթական ծրագրերն ըստ ուսումնական օրացույցի՝ «Դպրոց –պարտեզը ծեսի բաց լաբորատորիա» նախագծով: Վերապատրաստվողները նախապես հայտագրվում են Info@mskh.am , ծանոթանում նախապես հրապարակված ծրագրին Բարեկամություն և 5 օր շարունակ լինում կրթահամալիրի նախակրթարաններում, երգում, պարում, խաղում, մարզվում, խենթանում, հրճվում այս խենթ միջավայրում, ասել է թե՝ «Միասին ապրելու կրթություն` խաղով, երգ ու պարով»:

Նախադպրոցական հաստատությունների հեղինակային վերապատրաստումները բաժանվում էին երկու խմբի`գործնական և ինքնակրթության

  • Գործնական. 5օր շարունակ աշխատում, ապրում, ստեղծագործում էին ազատ ,թափանցիկ, ստեղծական բաց համակարգում: Դաստիարակների հետ քննարկում ,մշակում էին հաջորդ օրվա նախագծերը և տեղադրում բլոգում: Հաջորդ օրը իսկական իմացումի հրճվանք ապրում  միասին:
  • Ինքնակրթություն. նախապես վերապատրաստողների համար տեղադրվում էր  Նախադպրոցական հեղինակային կրթական ծրագիր. նյութերի մեդիափաթեթը: Վերապատրաստվողները տանը ընթերցելուց հետո օրվա վերջում  ծրագրի ղեկավարի և դաստիարակնների հետ  30 րոպե քննարկում :

Հետագա կապը`

  • Հեռավար առցանց համգործակցություն, բլոգավարություն
  • Արձագանք. տվյալ մարզի մանկապարտեզներում հրավեր միասնական ծես նախագծեր իրականացնելու նպատակով:

Մեզ միանում են նաև ծնողները, ինչից վերապատրաստվողները շատ զարմանում են, բայց չէ՞ որ ծնողը ծանոթ է ծրագրին, տեղյակ է նախակրթարանի գործունեությանը: Ծնողը ոչ միայն պատվիրատու է, գործընկեր, այլև իր երեխային վերաբերող նյութի յուրացնողը, իրագործողն ու տարածողը: Պարտեզ-սան-ծնող կապը միշտ ամուր է: Վերապատրաստվողները մեզ որակում էին էսպես․«Էս էն խենթերի խումբն է», որտեղ տիրում է ազատությունը, ինքնուրույնությունը, ինքնակազմակերպումը:

Մոնտեսորին է ասել․«Մարդը չի կարող ազատ լինելեթե ինքնուրույն չէ»: Վերապատրաստվողների խումբը հաճախ զարմանում են, թե ինչպես կարող են երեխաներն այս ազատության մեջ առանց դաստիարակի հրամանի, միջամտության ինքնուրույն կազմակերպել իրենց առօրյան՝ առանց  բղավելու , իրար վնասելու, ու շարունակ կրկինում էին․ «Ձեր սաները խաղաղ են , ո՞րն է դրա բանաձևը»: «Կարգապահությունն ազատության մեջ է»,- կասեր Մոնտեսորին: Նշեմ նաև, որ մասնակիցներին հիացնում է այն,  որ դայակ-դաստիարակի փոխարեն խմբում երկու դաստիարակ կա։

Ամեն ամիս մեր հանդիպումներում  ներկայացնում ենք հետևյալ թեմաները­՝

Առաջին անգամ վերապատրաստման ծրագիրի համակարգումը  գործի դրվեց  2006թ: 2017թ. դեկտեմբերից  սկսեցինք համակարգել ես և Գոհար Բալջյանը:  2017թ. մեկնարկը տրվեց Հյուսիսային դպրոց –պարտեզից: Հյուսիսային դպրոցի «Հարթակ» ակումբում տեղի ունեցավ դաստիարակների,  երաժշտության դասավանդողների և ծրագրի ղեկավարների հերթական հավաք-քննարկումը, որտեղ քննարկվեց նախադպրոցական հաստատությունների վերապատրաստման 6-րդ փուլի ծրագիրը:

Ուշագրավ էր այն, որ տնօրեն տիկին Սուսաննան շատ ոգևորված նկարում և գրի էր առնում այն ամենը, ինչ տեղի էր ունենում խմբասենյակում («Լյոխ լյավա»), նաև Գյումրու երաժշտության ուսուցչուհու և դաստիարակի  («Հըբը՛») փորձի փոխանակումների մասին եմ ուզում նշել, ինչպես նաև «Բլբլան» ռադիո թողարկումը («Ինչխ ես») ամանորյա եթերով:  Գյումրու «Արձագանք» մանկապարտեզի համար բլոգ բացեցինք և կապը շարունակեցինք հեռավար, առցանց, որից հետո հրավեր ստացանք մեկօրյա վերապատրաստում կազմակերպել «Արձագանք» մանկապարտեզում։ «Ուսումնական Գյումրի».փոխանակումների ծրագրով մարտի 17-ին Շիրակի մարզ՝ քաղաք Գյումրի«Արձագանք» ՀՈԱԿ մանկապարտեզում էինք՝ «ԾառզարդարԶատիկ դպրոց-պարտեզը ծեսի բաց լաբորատորիա» նախագիծ -ծեսը միասնական ներկայացնելու –խաղալու, կապը էլ ավելի ամրապնդելու, իսկական բարեկամության կամուրջ ստեղծելու կրթահամալիրի հետ:

Դաստիարակների պատում տեսանյութեր՝այստեղ

Փետրվարի 19-ին  տնօրեն-դաստիարակների վերապատրաստման 2-րդ փուլի մեկնարկն էր: Արևելյան դպրոց-պարտեզում հյուրընկալել էինք Բյուրականի ՀՈԱԿ մանկապարտեզի տնօրենին և դաստիարակներին: Հինգ օր շարունակ ապրեցինք միասին՝

Բյուրականի մակապարտեզի համար վերապատրաստվողների հետ բլոգ բացեցինք։  Քիչ թե շատ ծանոթացրինք բլոգավարությանը։ Բյուրականի տնօրեն Քրիստինե Բադալյանի հետ աշխատում էինք նաև հեռավար, և ահա ստացանք երկրորդ հրավերը դեպի Բյուրական՝ փոխայցելության՝ « Զատիկ —  Կանաչ – կարմիր կիրակի կամ Կրկնազատիկ» նախագծով։  Ապրիլի 7-ին տեղի ունեցավ մեկօրյա վերապատրաստում «Բյուրականի մանկապարտեզ» -ում։

Ահա դաստիարակների պատում տեսանյութերը և տնօրեն Քրիստինե Բադալյանի արձագանքը։

Օրը միշտ սկսում էին մարզական-ռոդարիական խաղերով՝ իհարկե բաց չթողնելով մեր սիրելի գլուխկոնծին։ Անփոխարինելի Ռոդարի, ում անսահման ստեղծագործական երևակայությամբ վարակվելով՝ սաների հետ շարունակ երևակայում ենք աներևակայելին…

Վերապատրաստվողները մեծ ոգևորությամբ  մասնակցում էին բոլոր խաղերին, է՛լ գլուխկոնծի էին տալիս, է՛լ անցնում օղակների միջով։ Նախաճաշից հետո միշտ բակում էինք ։ Ոչինչ չի կարող մեզ խանգարել, անգամ եղանակը, լինի անձրև թե քամի։ Այնպիսի՜ լվացք ենք արել, այնպիսի՜ լվացք․․․ Վերապատրաստվողները զարմացած էին մնացել։ Ռոդարիական խաղերը և մարզումները շարունակում էինք մարզական պարապմունքների ժամանակ: Շատ սիրում ու ոգևորվում էին մարզական պարապմունքներից:

Վերապատրաստման չորրորդ փուլ՝ 2018թ․, ապրիլի 16-20  «Համբարձման  ծես»  ուսումնական նախագիծ 

Ապրիլի 16-ին նախադպրոցական հաստատությունների դաստիարակների վերապատրաստման 4-րդ փուլի առաջին օրն էր։ Տարբեր մարզերից մեզ էին միացել 22 դաստիարակներ, մեթոդիստներ և օգնականներ։ Օրն սկսվեց առավոտյան պարապմունքով Մայր դպրոցում, որից հետո տիար Բլեյանը ներկայացրեց կրտսեր դպրոցների ղեկավարներին։ Ընդմիջումից հետո շրջայց կատարեցինք Մայր դպրոցով և կրտսեր դպրոցի ղեկավարների հետ քայլարշավ կազմակերպեցինք դեպի դպրոցներ։ Դաստիարակները բաժանվեցին խմբերի, ծանոթացան, ճաշեցին, մասնակցեցին քնի ծեսին և մեր դաստիարակների հետ մարզական պարապմունքին։ Ապա կլոր սեղան կազմակերպվեց օրվա ամփոփմամբ Գոհար Բալջյանի ղեկավարությամբ։

Հետո մեզ միացան «Սեբաստացիներ» ուսուցչական երգչախմբի մասնակիցները. ևս մեկ անգամ հիացմունքը և հպարտությունը միախառնվեցին իրար: Միշտ հիացած եմ երգչախմբի ելույթներից: Կարծես հայտնվում ես մի մաքուր, թափանցիկ ու երկնային կյանքում, կտրվում ամեն ինչից ,ամենքից: Մաքրվում է ներսդ և հարստանում ներաշխարհդ:

 Իսկ 2-րդ օրն սկսեցինք 5 տարեկանների հետ վիճակի պսակներ պատրաստելով , երգով ու պարով։ Դրանից հետո Նառա Նիկողոսյանի հետ Արևելյան լանջերին ծրագրային քննարկումներ և հետագա աշխատանքը կազմակերպելու հեռավար ծրագրեր մշակեցինք։ Այնուհետև «Սեբաստիա» համերգասրահում երգի-պարի պարապմունք, որից հետո ես և Սաթեն Քարաջյանը ներկայացրինք դաստիարակների՝ զույգով աշխատելու կարգը։ 3-օրը յոթ աղբյուրց, յոթ բուռ ջուր հավաքեցինք՝ նորից ներգրավելով ծնողներին ծեսի իրականացման գործում, այցելեցինք ծնողների տներ, երգեցինք, կոնֆետներ և հավկիթներ ստացանք նվեր:

Այս ընթացքում ես որոշ ժամանակով լքել եմ իմ խենթ մոլորակը , բայց ֆիզիկապես, իհարկե : Հիմա ավելի շատ լինում եմ վերապատրաստվողների հետ կամ ներկայանում եմ նախագծերով խմբերում։ Սկզբնական շրջանում ծանր էի տանում այն փաստը , որ չեմ լինելու իմ մոլորակում, բայց սա ևս մի հարթակ է՝ բացահայտելու ինքս ինձ այլ տեսանկյունից, չգիտեմ գուցե նորովի, անկանխատեսելի, անսպասել…

Ավարտվեց նախադպրոցական հաստատությունների վերապատրաստման 2018թ 4-րդ փուլը: Հինգերորդ օրը շատ հագեցած էր: Վերապատրաստվողները հանդիպեցին Սուրբ Երրորդություն եկեղեցու բակում, օրհնվեցին և շրջայց կատարեցին Մեդիա կենտրոնից քայլարշավով դեպի Հյուսիսային դպրոց, որտեղ էլ սկսվեց վերապատրաստման տոնական ընդհանուր պարապմունքը: Դրան հաջորդեց տեխնոլոգիական պլեները կենդանի, ծիսական երգերի ուղեկցությամբ, որից հետո կլոր սեղան -քննարկումներ եղան: Հյուրասիրություն և, իհարկե, վկայագրերի հանձնում: Եվ այսպես շարունակ հանդիպում և քննարկում ու լուսաբանում էինք մեր աշխատանքները: Դաստիարակները օրվա վերջում փոքրիկ պատում-ֆիլմերը տեղադրում էին իրենց բլոգներում , որից հետո որպես հաշվետվություն՝ ամսվա վերջում հրապարակում ենք 2-5տարեկանների զարգացման և խնամքի բլոգում։

2017թ. օգոստոսից մինչև 2018թ. ապրիլ ամիսը նախադպրոցական հաստատություններից Մխիթար Սեբաստացի կրթահամալիրում վերապատրաստվել են մոտ 500 նախադպրոցական հաստատություններում աշխատողներ`դաստիարակներ, օգնականեր,տնօրեններ, մեթոդիստներ, երաժծտության դասավանդողներ, տեխնոլոգներ

2017-2018թթ. նախադպրոցական հաստատությունների դաստիարակների վերապատրաստումների ընթացքում հեռավար աշխատել և գործում է 4 բլոգ՝ Գյումրու «Արձագանք» , Բյուրականի ՀՈԱԿ  , Դիլիջանի թիվ 3 և Սասունիկի «Արմինե Կարապետիի» անվան նախակրթարանների բլոգները։ Առաջիկայում պատրաստվում ենք գնալ Սասունիկ «Արմինե Կարապետիի» անվան ՀՈԱԿ և Գյումրու «Գոհար» ՀՈԱԿ, համագործակցում ենք նաև Ստեփանակերտի «Մանկան մոլորակ» նախակրթարանի հետ ու ևս ունենք հրավեր:

Реклама
Рубрика: Նոր սեբաստացիները

Նոր սեբաստացիները

Վիկտորյա Արտակովնայի ժպիտն ու լացը. հեղինակային է

Իսկ այսօր Վիկտորյա Արտակովնան մաքրում էր խմբասենյակը և կարողանում էր ինքնուրույն ծորակից ջուր խմել։

Ի՞նչ է անում Լացը, երբ կա նորին մեծություն Հրճվանքը…

Վիկտորյա Արտակովնան արդեն ժպտում է, ռեկորդակիր Սարգիս Ֆահրադյանը՝ քնում, իսկ երբ բոլորը քնած են, Յուրի Ագջոյանը հաղթահարում է արգելքները։

Рубрика: Ուսումնական ճամփորդություններ

Ուսումնական Սասունիկ

«Համբարձման ծես » ուսումնական նախագիծ

Օրը՝մայիսի 21

Վայրը՝ Արագածոտնի մարզ, Գյուղ Սասունիկ, «Արմինե Կարապետիի» անվան մանկապարտեզ:

Հասցե`ՀՀ Արագածոտնի մարզ, Սասունիկ համայնք. տնօրեն`Ռուզաննա Հարությունյան:

Ժամը՝ 09։00-17։00

Համակարգող՝ Արևելյան դպրոց- պարտեզ

Նախագիծ. «Համբարձման ծես » «Արմինե Կարապետիի» անվան մանկապարտեզ

Նպատակը`

  • ազգային մշակույթի յուրացում-տարածում
  • ազգային ժառանգության փոխանցում,
  • ծանոթացում «Իմացումի հրճվանք» ծրագրին, կրթահամալիրի ուսուցման մեթոդներին և միջոցներին,
  • Կոմիտասի երգերին, մշակումներին, բանաստեղծություններին:

Խնդիրներ`

  • ուսումնասիրել Համբարձման ծեսը, ծիսական միջավայրը,
  • առանձնացնել ծիսական այն գործողությունները, ծիսական կերպարներին, որոնք առանցքային են, որոնց միջոցով իրականացվելու է ծեսը,
  • յուրացնել ազգային, ծիսական երաժշտական նյութը,
  • ուսումնական գործընթացը կազմակերպել դպրոցում, դրսում՝ այգում, դաշտում, այլ բնական միջավայրերում:
  • Բյուրականի դաստիարակների հեռավար բլոգային ուսուցման ամրապնդում
  •  2-5 տարեկանների  մարզական «Ռոդարիական խաղեր» նախագիծ-տեսադասը

Օգտագործվող թվային միջոցներ՝

  • անհատական պլանշետներ, ձայնագրիչ, ֆոտոխցիկ, համացանց:

Արդյունքը`

  • Ուսումնական փաթեթներ՝ տեսագրությունների, ձայնագրությունների տեսքով:

Ընթացքը`

Ծեսի նախապատրաստական փուլ

Չորեքշաբթի ծաղկահավաքի օրն է, կարելի է կատարել դաշտում, ինչպես նաև նախակրթարանի բակում, որտեղ կան ծաղիկներ: Քանի որ ծաղիկները տարածվում են սերմերի, ինչպես նաև արմատների միջոցով, սաները պետք է իմանան, որ արմատով չի կարելի պոկել, յուրաքանչյուրը հավաքելու է ընդամենը հինգ ծաղիկ: Վիճակի սափորի մեջ գցում են 7 տարբեր տեսակի ծաղիկներ, 7 քար, 7 տարբեր ծառերից մեկական տերև, 7 բուռ ջուր: Ջուրը հավաքում են՝ ա. նախակրթարանի խմբերի ջրի ծորակներից, բ. շրջակայքում գտնվող ցայտաղբյուրներից, գ. եթե հնարավոր է, կարելի է մտնել մոտակա շենքի 7 բնակարան և յուրաքանչյուր տնից խնդրել մեկ բուռ ջուր: Հավաքած ծաղիկներով պատրաստում են փոքր փնջեր և ծաղկեպսակ: Սափորը, ծաղկեփնջերն ու ծաղկեպսակը կարելի է թողնել նախակրթարանի ներքին բակում: Համբարձման չորեքշաբթի, լույս հինգշաբթի գիշերը համարվում էր խորհրդավոր ու զարմանալի գուշակությունների, հրաշալիքների ու կախարդանքների գիշեր: Գիշերը փարչն անպայման պիտի մնար դրսում, բաց երկնքի տակ` «աստղունք», Համբարձման հրաշալի, կախարդական գիշերվա զորավոր հմայքին ենթարկվելու և առավոտյան ցողով օծվելու համար:

Համբարձման կերակրատեսակներից է`Կաթնապուր

Հաջորդ օրը դպրոցի խոհանոցում վաղ առավոտյան եփում են կաթնապուր: Եթե հնարավոր է, բոլորին այդ օրը բաժանում են կաթնապուր, եթե ոչ՝ հյուրասիրում են սահմանափակ քանակությամբ երեխաների և մեծերի: Ավարտելով հյուրասիրությունը, պատրաստվում են «Գովքի» ծիսական գործողությանը:

Նյութեր՝ նախագծի իրականացման համար

Մասնակիցների կազմը`

 

Համակարգող՝ Արևելյան դպրոց- պարտեզ

Рубрика: Ուսումնական ճամփորդություններ, Տեսանյութեր

Մեկօրյա վերապատրաստում Սասունիկի«Արմինե Կարապետիի»անվան մանկապարտեզում

«Համբարձման ծես » ուսումնական նախագիծ

Օրը՝ մայիսի 21

Վայրը՝ Արագածոտնի մարզ, Գյուղ Սասունիկ, «Արմինե Կարապետիի» անվան մանկապարտեզ:

Հասցե`ՀՀ Արագածոտնի մարզ, Սասունիկ համայնք. տնօրեն`Ռուզաննա Հարությունյան:

Հեռ.`093-67-87-55

Ժամը՝ 09։00-17։00

Համակարգող՝ Արևելյան դպրոց- պարտեզ

Նախագիծ. «Համբարձման ծես » «Արմինե Կարապետիի» անվան մանկապարտեզ

Ուսումնական Սասունիկ. կրթական փոխանակումների ծրագիր

Մեկօրյա վերապատրաստում «Արմինե Կարապետի» անվան մանկապարտեզում

  • 09:00. Մայր դպրոցի երթուղիների մոտ(ճանապարհի նկարահանում, ուղիղ եթեր)
  • 10:00. Արագածոտնի մարզ, գյուղ Սասունիկ
  • 10:00-11:30. Բարև, ես… մարզական «Ռոդարիական խաղեր». 
  • 10:00-11:30. Տեխնոլոգիա. ծիսական տիկնիկների պատրաստում` Ծաղկամայր, ծաղկեպսակներ և վիճակի սափոր.
  • 10:00-11:30. Ծաղկահավաք, սովորում են պսակ հյուսելու տարբերակներ,
  • 10:00-11:30. Ծիսական գործողություն «Ծաղկահավաք»
  • 10:00-11:30. Ծիսական գործողություն «Ծաղկամոր տիկնիկ»
  • 11:30-12:00. Համբարձման  ծիսական գործողություն՝ «Գովք»
  • 11:30-12:00. Համբարձման  ծիսական գործողություն «Վիճակ»
  • 12:00-13:00. Հավաքվում ենք բակում.«Համբարձման ծես » 
  •  Համբարձման երգեր «Ձայնադարանից», «Ջա՜ն, ծաղիկ, ջա՜ն, ջա՜ն»
  • Տեսադաս. «Համբարձում».
  • Վիճակի խաղիկներ . պատասխանատուներ` Մարինե Մկրտչյան, Մարինե Ոսկանյան 
  • 13:00-16:30-Շրջայց -զբոսանք-ընդմիջում
  • 17:00-վերադարձ

Նախապատրաստական փուլ.

 

Рубрика: Նախագիծ, Տեսանյութեր

Մեր քայլը

Ապրիլի 23_ին տիար Բլեյանի, Նառա Նիկողոսյանի, Կարինե Մացակյանը և մի խումբ դաստիարակների առաջնորդությամբ խաղաղ մեր քայլը արեցինք Արևելյան լանջերին։
Պետք է ստեղծենք կանաչ պատ, փակ լողավազան, հեծանվաուղղին գծելու…

Արևելյան դպրոցի դաստիարակները անմիջապես անցան գործի և ապրիլի 25_ին, ժամը՝11։00_ին տիկին Շողիկի, սաների և մի խումբ ծնողների հետ կսկսեն կանաչ պատ նախագիծը։

Рубрика: Վերապատրաստում

Նախադպրոցական հաստատություններում աշխատողների վերապատրաստումների ամփոփումը տեսաշարով

Ավարտվեց նախադպրոցական հաստատությունների վերապատրաստման 4-րդ փուլը: Հինգերորդ օրը շատ հագեցած էր: Վերապատրաստվողները հանդիպեցին Սուրբ Երրորդություն եկեղեցու բակում, օրհնվեցին և շրջայց կատարեցին Մեդիա կենտրոնից քայլարշավով դեպի Հյուսիսային դպրոց, որտեղ էլ սկսվեց վերապատրաստման տոնական ընդհանուր պարապմունքը և վկայագրերի հանձնում: : Դրան հաջորդեց տեխնոլոգիական պլեները:

Рубрика: Մեր առօրյան

Նոր հարթակ, նոր միջավայր

Նոր հարթակ , նոր միջավայր՝ անվտանգ , հիգիենիկ, շարժական և խաղային, գունային-խաղային և անվտանգ հարթակ, որտեղ կարելի է մարզվել, խաղալ, նկարել, թավալվել, քնել, ինչու չէ, նաև՝ նախաճաշել։ Շնորհակալություն

Рубрика: Վերապատրաստում

Ջա՜ն ծաղիկ

Այսօր վերապատրաստման 2-րդ օրն սկսեցինք 5 տարեկանների հետ վիճակի պսակներ պատրաստելով , երգով ու պարով։ Դրանից հետո Նառա Նիկողոսյանի հետ Արևելյան լանջերին ծրագրային քննարկումներ և հետագա աշխատանքը կազմակերպելու հեռավար ծրագրեր մշակեցինք։ Այնուհետև «Սեբաստիա» համերգասրահում երգի-պարի պարապմունք, որից հետո ես և Սաթեն Քարաջյանը ներկայացրեցինք դաստիարակների՝ զույգով աշխատելու կարգը։

Այս ընթացքում ես որոշ ժամանակով լքել եմ իմ խենթ մոլորակը , բայց ֆիզիկապես, իհարկե : Հիմա ավելի շատ լինում եմ վերապատրաստվողների հետ կամ ներկայանում եմ նախագծերով խմբերում։ Սկզբնական շրջանում ծանր էի տանում այն փաստը , որ չեմ լինելու իմ մոլորակում, բայց սա ևս մի հարթակ է՝ բացահայտելու ինքս ինձ այլ տեսանկյունից, չգիտեմ գուցե նորովի, անկանխատեսելի, անսպասելի…